Stenger Hoemsbrua grunna undergraving

Møre og Romsdal fylkeskommune vel å stenge Hoemsbrua på fylkesveg 666 for trafikk frå i dag, for å gjere utbetringar. Grunnen til dette er stor undergraving under det eine landkaret.

 

Stabiliteten til landkaret og tilstøytane fylling er kraftig svekka, og fylkeskommunen vel derfor å stenge brua for å utføre sikringstiltak. Det vil i løpet av dei næraste dagane blir gjort grundigare undersøkingar av tilstanden til brua.

 

Entreprenøren startar arbeidet så fort som mogleg, og det er på noverande tidspunkt for tidleg å anslå varigheita på arbeidet.

 

Medan dette arbeidet går føre seg blir det omkøyring via Torvikdalen og Flemsetra på fylkesvegane 6118  og 6120, eventuelt via fylkesveg 665.

Omkjøyringsvegar Hoemsbrua